iPhone 13 ખરીદવો છે? જાણો એપ્પલ જૂના iPhoneના કેટલા રૂપિયા આપે છે


એપ્પલ iPhoneની નવી સીરિઝ આવી ગઈ છે. એપ્પલે 14 સપ્ટેમ્બરે તેની નવી સીરિઝ લોન્ચ કરી છે. પ્રથમ વખત નવા iPhone યુએસ, યુકે અને ઓસ્ટ્રેલિયા સહિત વિશ્વના 30થી વધુ દેશોની જેમ ભારતમાં પણ પ્રી-ઓર્ડર શરૂ કરશે. ભારતમાં નવો iPhone ખરીદવા ઈચ્છતા લોકો 17 સપ્ટેમ્બરથી એપ્પલના ઓનલાઈન સ્ટોર અને ફ્લિપકાર્ટ પર તેનું પ્રી-બૂકિંગ કરાવી શકશે. જેમાં કેટલીક બેંક ઓફર્સ પણ મળશે. મતલબ કે iPhone 13 સીરિઝની કિંમતો પણ iPhone 12ના મોડલની કિંમતોની જેમ 69,900થી શરૂ કરીને 1,79,900 રૂપિયા સુધી જશે. તેથી જો તમે નવો iPhone ખરીદવા અને જૂનો વેચવા ઈચ્છતા હશો તો તમે એપ્પલ ઈન્ડિયા સ્ટોર પરથી તેવું કરી શકો છો. આ સ્ટોર પર તમને 9,000 થી લઈને 46,120 રૂપિયા સુધીની એક્સચેન્જ ઓફર મળી શકે છે. પરંતુ અહીં યાદ રાખવા જેવું એ છે કે આ એક્સચેન્જ કિંમત તમારા ફોનની સ્ટોરેજ, મોડલ અને કન્ડિશનના આધારે અલગ-અલગ હોઈ શકે છે. આવો જાણીએ તમને તમારા જૂના iPhoneના કેટલા રૂપિયા મળી શકે છે.

iphone

iphone

જૂના iPhone 12ના 31,330 રૂપિયા આપશે એપ્પલ

-iPhone-12-31330-

એપ્પલ નવો iPhone 13 ખરીદવા ઈચ્છથા લોકોને તેમના જૂના iPhone 12ના 31,130 રૂપિયા આપશે. મતલબ કે બાયર્સ iPhone 13 અથવા તો iPhone 13 મિનિનું 128જીબી મોડલ અનુક્રમે 48,780 અને 38,780માં ખરીદી શકશે.

જૂના iPhone 12 પ્રો મેક્સના મળશે 46,120 રૂપિયા

-iPhone-12-46120-

જે બાયર્સ પોતાના iPhone 12 પ્રો મેક્સને એક્સચેન્જ કરીને iPhone 13 ખરીદવા ઈચ્છે છે તેમને 46,120 રૂપિયા આપશે. તેનો મતલબ કે બાયર્સ તેનાથી iPhone 13 અથવા તો iPhone 13 મિનિ અનુક્રમે 33,780 અને 23,780 રૂપિયામાં ખરીદી શકશે.

જૂના iPhone 12 પ્રોના એપ્પલ આપશે 43,255 રૂપિયા

-iPhone-12-43255-

જે ગ્રાહકો પાસે iPhone 12 પ્રો છે અને તેઓ નવો iPhone ખરીદવા ઈચ્છે છે તેને એપ્પલ એક્સચેન્જમાં 43,255 રૂપિયા આપશે. જેનો મતલબ કે તેમણે iPhone 13 અને iPhone 13 મિનિના 128 જીબી મોડલ માટે અનુક્રમે 36,645 અને 26,645 રૂપિયા ચૂકવવા પડશે.

iPhone 12 મિનિના આપશે 25,565 રૂપિયા

iPhone-12-25565-

જૂના iPhone 12 મિનિના પણ એપ્પલ સારા રૂપિયા આપી રહ્યું છે. જે ગ્રાહકો તેમના આ જૂના ફોનના બદલે iPhone 13 સીરિઝનો કોઈ ફોન ખરીદવા ઈચ્છે છે તો તેમને થોડી રાહત મળી રહેશે. તેમણે iPhone 13 અને iPhone 13 મિનિના 128 જીબી મોડલ માટે અનુક્રમે 54,335 અને 44,335 રૂપિયા ચૂકવવા પડશે.

એપ્પલ iPhone 11 માટે 20,000 રૂપિય આપશે

-iPhone-11-20000-

એપ્પલ ગ્રાહકોને તેમના જૂના iPhone 11ના એક્સચેન્જ માટે મિનિમમ 20,000 રૂપિયા આપશે. જેનો મતલબ છે કે જે બાયર્સ આ ફોનના એક્સચેન્જમાં iPhone 13 કે પછી iPhone 13 મિનિના 128 જીબી મોડલને ખરીદવા ઈચ્છે છે તેના માટે તેમને અનુક્રમે 59,990 અને 49,990 રૂપિયા ખર્ચવા પડશે.

iPhone 11 પ્રો માટે તમને મળી શકે છે 30,000 રૂપિયા

iPhone-11-30000-

જેમની પાસે iPhone 11 પ્રો છે અને તેમને iPhone 13 સીરિઝમાંથી કોઈ ફોન ખરીદવો છે તેમણે આ જૂના ફોનના એક્સચેન્જમાં મિનિમમ 30,000 રૂપિયા મળી શકે છે. એટલે કે નવો iPhone 13 કે પછી iPhone 13 મિનિનું 128 જીબી મોડલ તેમને અનુક્રમે 49,990 અને 39,990 રૂપિયામાં મળશે.

iPhone 11 પ્રો મેક્સના મળશે 36,485 રૂપિયા

iPhone-11-36485-

જે ગ્રાહકો પોતાનો iPhone 11 પ્રો મેક્સ એક્સચેન્જ કરાવવા ઈચ્છે છે તેમને એપ્પલ 36,485 રૂપિયા આપે છે. તેનો મતલબ છે કે તેઓ iPhone 13 અને iPhone 13 મિનિનો 128 જીબીનું મોડલ અનુક્રમે 43,415 અને 33,415 રૂપિયામાં ખરીદી શકે છે.

iPhone XRના બદલામાં એપ્પલ આપશે 15,586 રૂપિયા

iPhone-XR-15586-

એપ્પલ જૂના iPhone XRના બદલામાં બાયર્સને 15,586 રૂપિયા આપશે. તેનો મતલબ છે કે iPhone 13 અને iPhone 13 મિનિના 128 જીબી મોડલ માટે બાયર્સે અનુક્રમે 64,314 અને 54,314 રૂપિયા ચૂકવવા પડશે.

એક્સચેન્જ ઓફર માટે શરતો છે

એપ્પલે તમારો જૂનો iPhone ખરીદવા માટે ત્રણ શરતો રાખી છે. તમારા ફોનના તમામ બટન યોગ્ય રીતે કામ કરતા હોવા જોઈએ. ફોનની બોડીને નુકસાન થયેલું હોવું જોઈએ નહીં અને ત્રીજી શરત છે કે તેનો કેમેરા સારી રીતે કામ કરતો હોવો જોઈએ.

About: k


Leave a Reply

Your email address will not be published. Required fields are marked *