JioPhone Next માટે થોડી વધુ રાહ જોવી પડશે


હાઈલાઈટ્સ:

  • રિલાયન્સ જિયો અને ગૂગલએ મળીને જિયોફોન નેક્સ્ટ તૈયાર કર્યો છે.
  • જિયોએ આ ફોન પહેલા 10 સપ્ટેમ્બરે લોન્ચ કરવાની જાહેરાત કરી હતી.
  • જોકે, હવે આ ફોન દિવાળીના તહેવારો સમયે બજારમાં ઉતારાશે.

મુંબઈ: રિલાયન્સ જિયો અને ગૂગલ મળીને જિયોફોન નેક્સ્ટ તૈયાર કરી રહ્યા છે. આ એક ઘણો જ સસ્તો સ્માર્ટ ફોન છે, જેને 10 સપ્ટેમ્બરે લોન્ચ કરવામાં આવનાર હતો, પરંતુ હવે જિયો અને ગૂગલે સંયુક્ત રીતે જાહેરાત કરી છે કે, આ ફોન ટ્રાયલના એડવાન્સ સ્ટેજમાં છે અને તેને દિવાળીના તહેવારોની સિઝનમાં લોન્ચ કરવાની તૈયારીઓ ચાલી રહી છે. જિયોફોન નેક્સ્ટની પ્રાઈસ અને ડિલિવરી પ્લાનની જાહેરાતમાં મોડું થવાનું મુખ્ય કારણ ગ્લોબલ સેમીકન્ડક્ટરની અછત હોવાનું મનાઈ રહ્યું છે. કંપનીએ પોતાની જાહેરાતમાં જાહેરાત કરી છે કે, આ વધારાનો સમય હાલની સેમીકન્ડક્ટરની અછતને ઓછી કરવામાં મદદ કરશે. રિલાયન્સ જિયોએ જૂનમાં આ ફોન માટે 10 સપ્ટેમ્બરની લોન્ચ તારીખની જાહેરાત કરી હતી અને કહ્યું હતું કે, તેને ગૂગલની સાથે મળીને તૈયાર કરાયો છે.
સૌથી સસ્તા Jio Phone Next દ્વારા શું છે મુકેશ અંબાણીનો ગેમપ્લાન?
જણાવાયા મુજબ, જિયોફોન નેક્સ્ટ એન્ડ્રોઈડ અને પ્લે સ્ટોર પર આધારિત ઓપ્ટિમાઇઝ્ડ ઓપરેટિંગ સિસ્ટમ ધરાવતો તેના જેવો એકમાત્ર ફોન હશે. આ ડિવાઈસ અને તેની ઓપરેટિંગ સિસ્ટમ એવી અત્યાધુનિક સવલતો આપશે કે જે અત્યાર સુધી વધુ પાવરફૂલ સ્માર્ટફોનમાં હતી, જેમાં વોઈસ-ફર્સ્ટ ફીચરનો સમાવેશ થાય છે, જેનાથી યૂઝર પોતાની ભાષામાં બોલીને મનગમતું કન્ટેન્ટ માણી શકશે અને ફોનનો ઉપયોગ પણ કરી શકશે, એ ઉપરાંત પાવરફૂલ કેમેરાનો પણ ઉપયોગ કરી શકશે તથા એન્ડ્રોઈડના લેટેસ્ટ ફીચર તથા સિક્યુરિટીના અપડેટ્સ પણ મળશે.
Jio યૂઝર્સ પર ફૂટ્યો બોંબ! બંધ થઈ ગયા કંપનીના બે સૌથી સસ્તા પ્લાન
બંને કંપનીઓએ મર્યાદિત સંખ્યામાં યૂઝર્સને જિયોફોન નેક્સ્ટ આપ્યા છે અને તેમના અનુભવો પરથી તેમાં જરૂરી સુધારા-વધારા કરવામાં આવી રહ્યા છે. દિવાળીના તહેવારોની સિઝનમાં આ ફોન ઉપલબ્ધ થાય તેવી તૈયારીઓ કરવામાં આવી રહી છે.

જિયોફોન નેક્સ્ટ ગૂગલ આસિસ્ટન્ટ, ઓટોમેટિક રીડ-અલાઉડ એન્ડ લેંગ્વેજ ટ્રાન્સલેશન ફોર એની ઓન-સ્ક્રીન ટેક્સ્ટ, એક સ્માર્ટ કેમેરા અને ભારતીયોની જરૂરિયાત મુજબના ફિલ્ટર્સ તથા અન્ય ઘણીબધી વિશેષતાઓ ધરાવે છે.

જોરદાર! આ મહાશયના ઊંધા અક્ષર જોઈ ભલભલા ગોથે ચઢી જાય છે

About: k


Leave a Reply

Your email address will not be published. Required fields are marked *